جدید پنجابی شاعری
گیت
میڈے نال لڑائی نہ کیتی کر
تیکوں روکے مئیں شراب نہ پیتی کر
میڈی گال تو من
ڈے بوتلاں کوں بھن
میڈی خوشی دا چا کر سامان اے
میڈی دُنیاں تاں بس میڈا خان اے
میڈی دُنیاں تاں بس میڈا خان اے
ایویں رُسا رُسا یار نہ ریھا کر
میڈی بانھ تے سِر رکھ پیا کر
آ بانھ تے توں سُم
میڈے ہتھ پیا چُم
تیڈے نال تاں میڈا جہان اے
میڈی دنیاں تاں بس میڈا خان اے
میڈی دنیاں تاں بس میڈا خان اے
نشہ اویں وی یار حرام اے
تیکوں کر ڈیتے نشے بدنام اے
توں ڈے نشہ چھوڑ
موقع ملسی نہ ہور
بہوں قیمتی تیڈی جان اے
میڈی دنیاں تاں بس میڈا خان اے
میڈی دنیاں تاں بس میڈا خان اے
میڈی دنیاں تاں بس میڈا خان اے
ہر ویلے کیوں نشے اچ راہندا ایں
میکوں سچی سچی ڈس کیا چاہندا ایں
کیا مئیں ونا مر
میکوں قتل چا کر
نی مشکل کم آسان اے
ڈیساں شکوہ نہ مارے میکوں خان اے
ڈیساں شکوہ نہ مارے میکوں خان اے
ڈیساں شکوہ نہ مارے میکوں خان اے
وحید قاسم
No comments:
Post a Comment
Note: only a member of this blog may post a comment.