جدید پنجابی شاعری
آ گئی جد یار نوں وچ خواب آ جانے دی جاچ
نہ رہی مینوں کسے ویلے وی اکھ لانے دی جاچ
میرے واہتے اوس ظالم نے ای پا دتے ہنیر
آپ دسی سی میں جنہوں زلف لشکانے دی جاچ
مندراں وچ بہن دیوے نہ مسیتاں وچ کھلون
مینوں اج توڑی نہ آئی دل نوں پرچانے دی جاچ
دار گرما گرم ہے سن لاش ٹھنڈی ہو گئی
کی مزا آیا، نئیں قاتل نوں تڑپانے دی جاچ
چوٹ ہووے عشق دی لگی تے پئے بندے نے شعر
فضل آ جاندی اے آپے فکر فرمانے دی جاچ
پیر فضل گجراتی
No comments:
Post a Comment
Note: only a member of this blog may post a comment.