جدید پنجابی شاعری
خبرے کی اے، دل کیوں ڈریا ہویا اے
جیویں دِیوا واء اچ دھریا ہویا اے
رنگ انوکھے لائے عشق دے موسم نیں
اندر اگ تے جُثّہ ٹھریا ہویا اے
پیراں دے چھالے تے سُفنے سانبھ کے رکھ
پیار دا رستہ کنڈیاں بھریا ہویا اے
کیہڑے دُکھ نے دل وچ ڈیرا نئیں لایا؟
کیہڑا درد اساں نئیں جریا ہویا اے ؟
روک لے ہنجُو ہڑھ نہ آ جاوے نسریں
دل دا بدّل ڈاھڈا ورھیا ہویا اے
نسرین سید
No comments:
Post a Comment
Note: only a member of this blog may post a comment.