جدید پنجابی شاعری
بلدیاں ہاواں نوں سینے لا کے روئے
اوس سنگدل نوں اپنا بنا کے روئے
آکھدے رہ گئے بہاراں نوں ذرا ٹھہر جاؤ
اسی تے پھلاں دے وچ ویکھو آ کے روئے
میرے سجدیاں دا اثر ہویا نہ کوئی
پتھر دے خدا نوں سر جھُکا کے روئے
دتیاں سزاواں دوستو! عشق نے مینوں
دل بے سمجھ نوں کیویں سمجھا کے روئے
اوہدی زلف تے زنجیر تے نیناں دے تیر مینوں
اوہ تیر مار کے زنجیر مینوں پا کے روئے
آخر میری وحشت دا قلندر کی ہووے گا
زمانے توں بڑا اسی منہ بچا کے روئے
اسماعیل قلندر
چیاں لغراں
No comments:
Post a Comment
Note: only a member of this blog may post a comment.