جدید پنجابی شاعری
راہ دا پتھر توڑی دا
پیر پچھانہہ نئیں موڑی دا
پانویں اتھرو پانی نیں
پانیاں وچ نئیں روڑی دا
دونویں نین قیامت نیں
کی لینا ایہہ جوڑی دا
جھلیا دل جے ٹُٹ جاوے
گونداں نال نئیں جوڑی دا
بھُکھ نیں بھار چُکا دِتا
تیہہ اٹاں دی گھوڑی دا
اک دیوار تے لِکھیا سی
دل نئیں کسے دا توڑی دا
روز حکومت دَسدی اے
کیویں خون نچوڑی دا
ماں دا قاتل بنیا اے
پُتر پیٹ کروہڑی دا
غزنی اک پہاڑ بنا
اُلفت تھوڑی تھوڑی دا
محمود غزنی
No comments:
Post a Comment
Note: only a member of this blog may post a comment.