جدید پنجابی شاعری
اینی وی نہ جِندڑی پھولیں
دُکھ بُہتے نیں ویکھ نہ ڈولیں
رب دے کول وی جا نہ بندیا
سچا بولیں،۔ پورا تولیں
دل پاگل ہُن لُٹیا پٹیا
وجدا پھردا کندھیں کولیں
لیکھ مِرے وِچ کِنے دُکھ نیں
جِندے ایتھوں ودھ نہ رولیں
دل اے میرا کچّا کوٹھا
بُوہا ہولی ہولی کھولیں
ہر پاسے وے گُھپ ہنیرا
مُکھڑا چن دے اندر گھولیں
روبینہ ناز بینا
No comments:
Post a Comment
Note: only a member of this blog may post a comment.