پنجابی عارفانہ کلام
غفلت نہ کر او یار دلیرا
رب دے گھر وی پا لے پھیرا
پنج ٹَیم رب دا بلاوا آوے
منہ نہ موڑ او یار دلیرا
مندیاں چنگیاں دا ایہو رب اے
آکڑ نہ ایس اگے او یار دلیرا
چھڈ دے دلیری نہ کر میرا تیرا
رب دی من لے او یار دلیرا
اِسے بخشنا مندیاں چنگیاں نُوں
جھک جا تُوں وی او یار دلیرا
رب دے گھر ہُن پا لے پھیرا
مُک جاسی تیرے دل چُوں ہنیرا
حشر دیہاڑے کم نئیں او آنی
کَردا ایں جو دلیری تُوں دلیرا
غفلت نہ کر ہور یار دلیرا
رب ول رُخ موڑ او یار دلیرا
محمد عدیل احمد
No comments:
Post a Comment
Note: only a member of this blog may post a comment.