پنجابی عارفانہ کلام
سردار زمانے دا تے سُلطان علیؑ اے
ہر صاحبِ ایمان دا ایمان علیؑ اے
زہراؑ دا اے شوہر تے اوہ حسنینؑ دا بابا
آقاﷺ دے گھرانے دا نگہبان علیؑ اے
ہر غوث قُطب بھردا اے پانی تِرا حیدرؑ
ہر پاسے ای تکیا تِرا فیضان علیؑ اے
سرکارؐ نے فرمایا جنہوں عِلم دا بُوہا
اوہ صاحبِ عرفان تے ایقان علیؑ اے
کُجھ ساہنواں چہ پڑھ لیندا اے قُرآن جو سارا
اوہ شیرِ خُداؑ، ماہرِ قُرآن علیؑ اے
اک نُور توں تخلیق ہوئے حیدرؑ و احمدؐ
پہلا نئیں، پہلے توں مُسلمان علیؑ اے
کر دا اے ابو بکرؓ و عُمرؓ نال جو اُلفت
سَوں رب دی اوہدے اُتّے مہربان علیؑ اے
اُس ویلے تے مشکل نوں وی پے جاندی اے مشکل
میں آکھاں جے حسنی مِری پہچان علیؑ اے
حسنی سید
سید محمد حسنین الثقلین
No comments:
Post a Comment
Note: only a member of this blog may post a comment.