پنجابی عارفانہ کلام
آسے پاسے پھرے گلاب جئی
تیری رحمت وفا دے باب جئی
دودھوں چِٹا سراپے دا چاننڑ
روشنی کردا ماہتاب جئی
تیری تسبیح پوری کر دیندی
میری حسرت ادھوری خواب جئی
دور اے جو مدینیوں آقاﷺ
اکھ او اک جھیل اے بےآب جئی
پانی کوثر دا تیری نسبت وچ
نہیں صورت کوئی سراب جئی
بے کسی توں بچایا آقاﷺ نے
بخشی مولائی بُو ترابؑ جئی
مصطفیٰﷺ دا میں امتی عمران
میری قسمت اے لاجواب جئی
عمران شریف
No comments:
Post a Comment
Note: only a member of this blog may post a comment.