جدید پنجابی شاعری
سوہنے رب توں ڈر کے کھا
لبھی آ تے جر کے کھا
چسکا کھان دا لینا ای
اپنے ہتھیں کر کے کھا
ونڈیاں روزی مُکدی نئیں
بھاویں بُکاں بھر کے کھا
غوطہ غوطہ ہندا اے
ڈُب کے کھا یا تر کے کھا
جے توں جِتنا چاہنا ایں
ٹھوکر پہلاں ہَر کے کھا
رازق نوں بس راضی رکھ
چُگ کے کھا یا چَر کے کھا
تنہا چنگے کارے کر
گاہلاں تے نہ مر کے کھا
محمد عمران تنہا
No comments:
Post a Comment
Note: only a member of this blog may post a comment.