آ گئے نے سرکار پیارے ست بسم اللہ

 پنجابی عارفانہ کلام

آ گئے نے سرکار پیارے، ست بسم اللہ، جی آیاں نوں

عاشقو رل مل آکھو سارے، ست بسم اللہ، جی آیاں نوں

آئیاں نیں آمد دیاں گھڑیاں، لگیاں نیں رحمت دیاں جھڑیاں

فرش تے آ کے پڑھدے تارے، ست بسم اللہ، نوں جی آیاں نوں

دِیوانے میلاد مناؤندے، صلِ علیٰ دے نغمے گاؤندے

تھاں تھاں تے وجدے نیں نعرے، ست بسم اللہ، نوں جی آیاں نوں

ختمِ نبوت دی پگ بن کے، آیا اے سوہنا بن ٹھن کے

جی اُٹھے نیں درداں مارے، ست بسم اللہ، جی آیاں نوں

آئیاں نے جگ تے سرکاراں، ہر پاسے کِھڑیاں نے بہاراں

جھُم جھُم کے رُکھ لین ہلارے، ست بسم اللہ، جی آیاں نوں

جس نے آ کے رات مکائی، ماڑیاں دی گل بات بنائی

قیدوں چھٹ کے کہن مزارے، ست بسم اللہ، جی آیاں نوں

آیا آمد والا مہینہ، عاشقاں دا ٹھریا اے سینہ

عاصیاں کہہ کے لیکھ سنوارے، ست بسم اللہ، جی آیاں نوں

 بارہ ربیع الاول آیا، پھُلاں نے میلاد منایا

آکھن خوش ہو کے نظَّارے، ست بسم اللہ، جی آیاں نوں

عرشاں تے محبوب بلُا کے، "ثُمَّ دَنَا" دے جلوے وکھا کے

رب سوہنا وی ایہو پکارے، ست بسم اللہ، جی آیاں نوں

ہوۓ نیں سب دور ہنیرے، جاگے جگ تے نور سویرے

قدسیاں چانن رج کھلارے، ست بسم اللہ، جی آیاں نوں

رج رج حسنی جشن منائیے، رل سوہنے دے نغمے گائیے

آ گئے آمنہ بی دے دُلارے، ست بسم اللہ، جی آیاں نوں

حسنی سید

سید محمد حسنین الثقلین