جدید پنجابی شاعری
اکھ دا پانی کیہ بنیا؟
نویں کہانی، کیہ بنیا؟
سِخر دُپہریں کِھڑ پئی ایں
رات دی رانی! کیہ بنیا؟
ہور کِسے دا ہوندے ای
جان سی جانی کیہ بنیا؟
آکڑ بڑی سی تیرے وچ
تند دی تانی کی بنیا؟
ٹُٹدا تارا پُچھدا اے
ہان دے ہانی کیہ بنیا؟
پنڈوں آ کے شہراں دی
مٹّی چھانی، کیہ بنیا؟
یاراں پِچّھے بھجدی سی
کھسماں کھانی! کیہ بنیا؟
ردا میر
No comments:
Post a Comment
Note: only a member of this blog may post a comment.