جدید پنجابی شاعری
اکھیاں کر کے چار دیوانے
ہو جاندے لاچار دیوانے
آپو آپ ای ہو جاندے نے
جھلیاں وِچ شمار دیوانے
ویکھ کے اوہدا سوہنا مُکھڑا
رہندے وچ خمار دیوانے
اکھیاں دے وچ اکھیاں پا کے
تن من کرن نثار دیوانے
پیار دی خاطر منتاں منگدے
جا جا ہر مزار دیوانے
زہر پیالے کئی پِیندے نے
کئی چڑھدے نے دار دیوانے
روبینہ ناز بینا
No comments:
Post a Comment
Note: only a member of this blog may post a comment.