اللہ اللہ ویہڑا ہاشم دا اے نور و نور

 پنجابی عارفانہ کلام

اللہ اللہ ویہڑا ہاشم دا اے نور و نور

چن چڑھیا اے آمنہؑ بی دا آئے نے ساڈے حضورؐ

نبی جی اللہ اللہ اللہ ہو، لا الہ الا ہو

آیا سوہنا بارہویں والا نبیاں دا مہاراج

ختمِ نبوت دا جیہدے سر رکھیا رب نے تاج

نبی جی اللہ اللہ اللہ ہو، لا الہ الا ہو

کِھڑ کِھڑ غنچے کلیاں مہکن خُشبوواں نے شاد

ہر پاسے گُلزاراں دے وچ پڑھدے پُھل میلاد

نبی جی اللہ اللہ اللہ ہو، لا الہ الا ہو

لوری آ کے دین فرشتے حُوراں پڑھن درود

عبدالمطلب آکھن شکر اے تیرا رب ودود

نبی جی اللہ اللہ اللہ ہو، لا الہ الا ہو

اینہاں چانن ہویا جگ تے شام سی پڑھدی نعت

میں عبداللہ دا چن ڈِٹھاے ہُن نہ آکھو رات

نبی جی اللہ اللہ اللہ ہو، لا الہ الا ہو

واہ واہ ابراہیمیؑ عرضی ہوئی اے مقبول

اسماعیلؑ دی پاک لڑی وچ آخری آیا رسول

نبی جی اللہ اللہ اللہ ہو، لا الہ الا ہو

کہندی سی اے سب نوں حلیمہ دِیوے دی نئیں لوڑ

میرے گھر وچ سوہنا آیا چانن دی نئیں تھوڑ

نبی جی اللہ اللہ اللہ ہو، لا الہ الا ہو

چُم چُم کے بُو طالبؑ آکھن ایہہ میرا دلدار

وچ پنگھوڑے جاپے سوہنا نبیاں دا سردار

نبی جی اللہ اللہ اللہ ہو، لا الہ الا ہو

جبرائیلؑ نے چڑھ کے کعبے تے کیتا اعلان

ماڑھیاں تے مسکیناں دا وی ودھیا اے اج مان

نبی جی اللہ اللہ اللہ ہو، لا الہ الا ہو

ویکھو ویکھو ننگے پیریں پجھ گئے نے شیطان

آیا بارہ ربیع الاول، دو جگ دا سلطان

نبی جی اللہ اللہ اللہ ہو، لا الہ الا ہو

جہل ہنیریاں دا بالآخر آیا وقت اخیر

آمنہؑ بی بی دے ویہڑے وچ چمکیا بدر منیر

نبی جی اللہ اللہ اللہ ہو، لا الہ الا ہو

پڑھ تے سئ "قُلْ بِفَضْلِ اللہ" والی اج تفسیر

خوش ہو کے فیر آکھو؛ آیا کُل نبیاں دا پیر

نبی جی اللہ اللہ اللہ ہو، لا الہ الا ہو

زہراؑ دا اج بابا آیا بیلیا جشن منا

جی آیاں نوں آکھ تے نالے حیدریؑ نعرہ لا

نبی جی اللہ اللہ اللہ ہو، لا الہ الا ہو

حسنؑ حسینؑ دے نانے اُتے پڑھیے رج درود

نالے حسنی رل کے کہیے صلِ علی یا ودود

نبی جی اللہ اللہ اللہ ہو، لا الہ الا ہو

حسنی سید

سید محمد حسنین الثقلین