جدید پنجابی شاعری
کی دساں کِس حال دے وِچ آں
سجناں تیرے خیال دے وچ آں
ہِجر نے کملیاں کر چھڈیا اے
عشق دی اُلٹی چال دے وچ آں
وصل تیرا میں منگدیاں منگدیاں
ہِجر دے پھسیا جال دے وچ آں
تُوں لبھدا ایں مسجد مندر؟
میں تے رقص دھمال دے وچ آں
اک وی ساہ نہیں سوکھا آندا
خورے کس جنجال دے وچ آں
سلیم وِچھڑ کے تیتھوں یارا
سُر کِسے نہ تال دے وچ آں
محمد سلیم
No comments:
Post a Comment
Note: only a member of this blog may post a comment.