جدید پنجابی شاعری
اجے نواں نواں اَمبیاں نوں بُور
اَجے ہونٹاں وِچ اَن چھوئیاں کلیاں دے رس
اجے باہواں وچ سجریاں شاخاں دی ہلور
اجے اَن کِھڑے پُھلاں جیہی ہاسیاں دی دکھ
اجے ٹوراں وچ چڑھدیاں پینگاں والا زور
اجے ماہیے، ٹپے، ڈھولیاں دے نِمے نِمے رنگ
اجے دِلاں وچ سدھراں دا سُتا سُتا شور
اجے ساہواں وچ سہیلیاں دے ساہواں وی ہواڑ
اجے سہیلیاں ای چن تے سہیلیاں چکور
اجے کَنڈھیاں دے نال نال، کَھلیاں نیں بیڑیاں
اجے دور بیڑیاں توں چَھلاں دور دور
احمد راہی
No comments:
Post a Comment
Note: only a member of this blog may post a comment.