پنجابی عارفانہ کلام
بنڑا کے رکھدا محبت دی چھاں
مِصری تو مٹھا مدینے دا ناں
اُگ پئے باغ شفاعت والے
نئیں آنڑی کدی ایناں تے خزاں
ذکرِ سرکارؐ نیں خوشبو دتّی
کھِڑ گئی پھُلاں جئی رگِ جاں
آپﷺ دا نام لوے تے سونا
ورنہ مٹی وی نئیں عمر رواں
دل دیاں رازاں تے ہوندی اے عطا
کدوں کھُلدی اے مدینے چ زباں
وارنا عشقِ محمدﷺ تے درود
ایس توں ودھ نہ کوئی کارِ جہاں
حیطۂ نعتِ توں ودھ کے عمران
چنگی لگدی کدوں آغوشِ ماں
عمران شریف
No comments:
Post a Comment
Note: only a member of this blog may post a comment.