جدید پنجابی شاعری
سوہنے لگدے نسرے کانے سڑکی تے
چیتے آ گئے سمے سہانے سڑکی تے
میں اوہناں وچ اپنا کوئی لبھدا ہاں
گُھورن مینوں لوک بیگانے سڑکی تے
کنڈیاں ورگے لیکھ لکھا کے جنمی سی
ویچ رہی پُھلاں دے گانے سڑکی تے
منزل اپڑے جِنہاں سفر وی کیتا نہیں
رُل گئے ساڈے ورگے دانے سڑکی تے
مِلسی یار گواچے بارے خبر کوئی
پھردا رہناں ایس بہانے سڑکی تے
کِنی چوکھی رقم سی بَھلیاں ویلیاں دی
قمر کھڑیجے باراں آنے سڑکی تے
قمر فرید
No comments:
Post a Comment
Note: only a member of this blog may post a comment.