جدید پنجابی سرائیکی شاعری
نہ سجھ اُبھرسی نہ شام آسی
ازل توں گھن تے اج دے ڈینھ تئیں
جڈاں وی دنیا نے پاسا پترے
مؤرخیں کوں سفید کاغذ سیاہ کرن دا مواد مل گئے
لکھن پڑھن دا مواد مل گئے
عظیم ناول نگار اُبھرین
تے شاعراں دے حسین تر شاہکار ابھرین
یا سائنسدانیں انا دی سنگین طلب دی خاطر
نہ اپنی خاطر نہ سب دی خاطر
کئی سیارے، کئی اُپالو اُڈا کے تاریں کوں دھوڑ کیتے
میں سوچ دے کھلے ہوئے حسین چوبارے توں ڈیکھ ریہاں
کہ اج دے انسان دے ذہن اندر
قدیم بوسیدہ بے سر و پا عجب خیالیں دا ہک ہجوم ہے
عظیم ادیبو تے سائنسدانو
جے تھی سگے تاں غریب دھرتی دے واسیاں دا مزاج بدلو
جے نہیں تاں میکوں یقین ہے ول
اج نہیں تاں کل ضرور اے مقام آسی
نہ سجھ اُبھرسی نہ شام آسی
اقبال سوکڑی
صدارتی ایوارڈ یافتہ سرائیکی شاعر اقبال سوکڑی رب دے حضور پیش ہو گئے نے انا للہ و انا الیہ راجعون۔ سارے احباب نوں انہاں لئی فاتحہ دی استدعا اے۔
No comments:
Post a Comment
Note: only a member of this blog may post a comment.