جدید پنجابی شاعری
رب دے نال آ کرئیے سچ پریت او لوکا
ویلے سوہنے چلے نیں ہن بیت او لوکا
رکھنا راضی اللہ نوں اساں ہر ویلے جی
دل دے ویڑھے رہوے خُشی دی جیت او لوکا
رب نے سانوں پڑھن نوں دِتیاں پنج نمازاں
مل کے چل کے پڑھیے وچ مسیت او لوکا
ہر دم میرے دل دے ویہڑے اندر دے وچ
دل پڑھ دا اے اللہ ہو دا گیت او لوکا
اللہ جی دی صفت فقیر تے ہر دم کردا
اس ورگا نہیں لبھناں کوئی میت او لوکا
حاجی فقیر محمد فقیر فیصل آبادی
No comments:
Post a Comment
Note: only a member of this blog may post a comment.