جدید پنجابی شاعری
لوکاں وانگوں اوہ وی مِہنا مار گیا
اجمل! اج میں ہار گیا، میں ہار گیا
پا کے اپنے تن تے چادر زخماں دی
اک دیوانا خُشیاں دے دربار گیا
مینوں کسے نے آواز نا دِتی اوس ویلے
میں جد پِیڑاں دے جنگل وِچکار گیا
ربا! ہور نا ہووے کوئی میرے وانگ
نا میں ڈُُبیا، نا دریا دے پار گیا
خورے کیہڑی شے وے پار حیاتی دے
مُڑ کے نا اوہ آیا جو اک وار گیا
اجمل وجیہہ
No comments:
Post a Comment
Note: only a member of this blog may post a comment.