جدید پنجابی شاعری
یار اڑیا
(شِو کماربٹالوی واسطے )
یار اڑیا
یار اڑیا
یار اڑیا
گورے پیراں ہیٹھاں
سُرخی ملیا تھڑیا
بھیڑی گلی دے نیلے گھر دی چِک دے اوہلے
کون سی ہاسا ڈک کے کھڑیا
ویکھن گردن موڑ موڑ کے
لکے کبوتر
کُوزیاں وچ دُدھ کڑیا
ساڈے دل دی لیر لویٹیا
تیرے سوہن سراپے جیڑا
رنگ اسمانی چڑھیا
اکھاں وچوں ڈُُلھیا ہنجُو
ہجر تالاب دی کائی اُتوں
جا کُونجاں نے پھڑیا
خورے کون گھسیٹیا جاندا اے اپڑ برُوہاں
خواباں دا لڑ پھڑیا
دل یاداں دے شاور تھلے
سنگھنے عطر دی شیشی ڈوہل کے نہاتا مل مل
دُھپ بِرہا دی سڑیا
اک چمگادڑ پچھے لا کے
سارا شہر قرنطینہ جا وڑیا
کدی زمینی خلقت ویکھ لے
ٹبیوں ڈَھ کے
نُوری عرشی چھڑیا
تنویر قاضی
No comments:
Post a Comment
Note: only a member of this blog may post a comment.