جدید پنجابی شاعری
گُھنگرو پا لا یار منا لے
بھُلیا مار اُڈاری اُڈے
پنچھی تے کُجھ لوک
مُڑ نہیں آندے
فیر کدی وی
عزت تے سنجوگ
گُھنگرو پا لا یار منا لے
ککھ نہیں تیرے کول
پورا پورا ہو جاویں گا
ایہہ مٹی دیندی رول
عشق کا پینڈا اوکھا ہوندا
سُکھ دی منزل ڈاڈھی
رُکھی کھاون بیٹھن رُوڑی
سُکھ کُتیاں توں یاری
کُجھ نہیں لبھنا مٹی ہویاں
بھاویں پھڑ لے ہتھ کشکول
پنڈ سرے رکھ ٹوہ لے اپنی
بھاویں لیراں لے پھرول
عشق دے ہتھوں کیہ کیہ دساں
ایتھے ہیراں دِتیاں رول
کُجھ نئیں لبھنا لوکاں کولوں
بھاویں جندڑی اپنی رول
اندر وڑ کے کُنڈا لا لے
اس نال دُکھ پھرول
یار خیال نہ اینا رویں
کتے ساہ نہ دیویں ڈول
شیخ جواد حسین
No comments:
Post a Comment
Note: only a member of this blog may post a comment.