جدید پنجابی شاعری
کوئی بھار ایہہ چا سکدا اے میرے وانگ
غم نوں سینے لا سکدا اے میرے وانگ
آپے آپنی جِندڑی دی تصویر کوئی
زخماں نال سجا سکدا اے میرے وانگ
پلکاں اُتے بال کے دِیوے ہنجُواں دے
کیہڑا جشن منا سکدا اے میرے وانگ
تیری تنہائی دی سُنجھی محفل وِچ
ہور وی کوئی آ سکدا اے میرے وانگ
اجمل! آپنے ہتھیں آپنیاں سدھراں دے
دِیوے کون بُجھا سکدا اے میرے وانگ
اجمل وجیہہ
No comments:
Post a Comment
Note: only a member of this blog may post a comment.