جدید ہندکو پنجابی گوجری شاعری
کوئی حسن یا کوئی جمال آ سا
نویں لہوئے دا سارا کمال آ سا
لہو سُکیا تے اُڈ گئے رنگ سارے
فِر سبھ کُجھ خواب خیال آ سا
میری خوشی بِچ سارے شریک آ سے
میرے دُکھاں بچ کوئی بھی نہ نال آ سا
اج خوشی بِچ تُوں اُساں بُھل بیٹھا ایں
جیہڑا کل تیرے غم دا بھیال آ سا
کے دساں تیرے باہجھ کیجے دن گزرے
میریاں اکھیاں تے تیرا رومال آ سا
جس تیرے کیتے چنگے چنگے لوک سٹے
اوہ سکوں ای مائی دا لال آ سا
سلطان سکون
No comments:
Post a Comment
Note: only a member of this blog may post a comment.