جدید پنجابی شاعری
چُپ دے جندرے مار کے بیٹھے
پیار اچ یارا! ہار کے بیٹھے
مِلن دے خاب سجا کے اکھیں
ریت دی کندھ اُسار کے بیٹھے
تیری خاطر ویکھ تے سہی
اپنا سب کُجھ وار کے بیٹھے
ناں ہی نکلے ناں آوے ساہ
کنج دے دُکھ سہار کے بیٹھے
گل لوکاں دی سُن لو لوکو
دُکھ دا اَجڑ چار کے بیٹھے
پیش نہ جتھے چلدی ساڈی
اوتھے پیر کھلار کے بیٹھے
محمد سلیم
No comments:
Post a Comment
Note: only a member of this blog may post a comment.