جدید پنجابی شاعری
کیہ کیتا عمار نے ویکھو
ڈاکو تھانیدار نیں ویکھو
وردی داگی کر چھڈی سو
گندے جو کردار نیں ویکھو
سو دن چور دا اک دن سادھ اے
چور نوں پیندی مار نیں ویکھو
سی سی ڈی دے ہتھے چڑھیا
کس دن کردے پار نیں ویکھو
بے ضمیر تے گھٹیا سوچ اے
گدھ کھاندے مردار نیں ویکھو
شاہواں دی وی نک چا وڈھی
مونہہ تے پئی پھٹکار نیں ویکھو
چٹے دن وچ انہی پائی
کنج کردے لُٹ مار نیں ویکھو
وردی دے وچ ڈاکو لُکیا
سادھو چور چکار نیں ویکھو
وچ بزاراں لوٹی پائی
گلیاں سنج بزار نیں ویکھو
گندے اصلے دے جو ہوون
لتراں دے حقدار نیں ویکھو
وردی پا کے کردے پئے نیں
جرم دا کاروبار نیں ویکھو
ویر سپاہیاں دے وچ لُکے
چور جیہے بھین دے یار نیں ویکھو
تنویر ویر سپاہی
No comments:
Post a Comment
Note: only a member of this blog may post a comment.