جدید پنجابی شاعری
سبھ دے ہُندیاں سُندیاں کَلّا کر دے گا
دل دا روگ تے قسمے جھلّا کر دے گا
پہلے ای ایں سارا دو تِن وِیہاں دا
عشق تے تینوں ہور سولّا کر دے گا
اوہنوں جِتن لئی پِیراں دی منت من
ویسے ادھا کم تے چھلّا کر دے گا
دل نہ چھڈ مزدورا دِھی دے دن تے مِتھ
رہندا سہندا جو اے اللہ کر دے گا
یار کلیما! لگدائے عزت نئیں بچنی
دل تے رُوپ دے اگے پلّا کر دے گا
تجمل کلیم
No comments:
Post a Comment
Note: only a member of this blog may post a comment.