جدید پنجابی شاعری
کون بنہے درداں دیاں پٹیاں
کون بنّہے درداں دِیاں پٹیاں
میں تاں جھنگ سیالاں دی جٹّی آں
جھنگ سیالیں عشق وکاندا
تولے، ماسے، رتیاں
کون بنّہے درداں دیاں پٹیاں
میں تاں جھنگ سیالاں دی جٹّی آں
ہیر سیالیں عجب ہنڈھیبا
کنّیِں بُندے، گل ہسیاں
کون بنّہے درداں دیاں پٹّیاں
میں تاں جھنگ سیالاں دی جٹّی آں
ماہی اساڈے کُھوہ کھٹایا
شالا آپ بھریساں مٹّیِاں
کون بنّہے درداں دیاں پٹّیاں
میں تاں جھنگ سیالاں دی جٹّی آں
ماہی اساڈے باگ لوایا
تے اساں لوائِیاں کھٹیاں
کون بنّہے درداں دیاں پٹّیاں
میں تاں جھنگ سیالاں دی جٹّی آں
مشتاق صوفی
No comments:
Post a Comment
Note: only a member of this blog may post a comment.