جدید پنجابی شاعری
او جیس کل نوں سجنا نیں ٹر جانا
ربّا! کدی وی او کل نہ ہووے
میری مشکل دا ایہی حل اے
کدی مشکل میری حل نہ ہووے
پچھلے پچھائیں جائی جاندے نیں
اگلیاں نال وی رل نہ ہووے
او پرت جاوے تے سو گلاں
او کول آوے تے گل نہ ہووے
پھیر ساحل چیر کے لنگ جاندی
کنارے توں دور وی چھل نہ ہووے
ساڈے راہیں توں نئیں آوندا
تے تیریاں راہواں تے چل نہ ہووے
ایہنا وی تے نازک نہ یار ہووے
کہ اکھیاں نوں مل نہ ہووے
نہ ہووے یار وکھ کسے دا
کدے روح توں وکھری کھل نہ ہووے
منتظر بٹر
No comments:
Post a Comment
Note: only a member of this blog may post a comment.