جدید پنجابی شاعری
ایتھے دُکھڑے سارے کٹّھے ہو گئے نیں
تئیوں اکھاں تھلے حلقے ہو گئے نیں
انج دی وقتاں کھیڈ رچائی ساڈے نال
ساڈے ورگے لوکی کلّے ہو گئے نیں
پہلاں لگدا سی بس میں ہی کملا آں
ہُن لگدا اے سارے کملے ہو گئے نیں
ساری دنیا پاگل کہہ لے تینوں کیہ
تیرے وچ تاں ہور سویرے ہو گئے نیں
دل دنیا وچ ہِک دیوا تاں بال سجن
ہر پاسے ہی گھور ہنیرے ہو گئے نیں
گُڑ شکراں والی چاء توں جو مِٹّھے سَن
قسمیں اوہ رشتے وی پِھکّے ہو گئے نیں
تیری اَکھ دی نُوری لَٹ نوں ویکھ کے تاں
عقلاں والے کملے جھلّے ہو گئے نیں
شوزب نوں فِکراں نے کیہ کہہ لینا اے
اوہدے ول تاں یار دے پھیرے ہو گئے نیں
شوزب حکیم
No comments:
Post a Comment
Note: only a member of this blog may post a comment.