جدید پنجابی شاعری
ہڈ ساڑے عشق دی اگ
شالا ناں جاوے لگ
جے صاف تِرا کردار
کیوں معنے مارے جگ
تھاں تھاں نہ متھا ٹیک
خاک اِچ نہ رولِیں پگ
ایمان دی وست سنبھال
جُبیاں وِچ لُکے ٹھگ
ایہہ شاہوں کرے فقیر
اس پیار دی رِیت الگ
ایہہ عشق اے دنیا وِچ
جیوں مُندری دے وِچ نگ
فِر عابد کیہڑے راز
جد اتھرُو جاندا وگ
عابد علی عابد حافظ آبادی
No comments:
Post a Comment
Note: only a member of this blog may post a comment.