جدید پنجابی شاعری
جاگو میٹی اوہدا چہرہ ویکھ رہیا ساں
میں دھرتی توں عرش معلیٰ ویکھ رہیا ساں
اج بُلھیاں دے ہاسے دی ہِک نُکرے بہہ کے
اوہنوں پہلی وار اداسا ویکھ رہیا ساں
آ نی گل لگ ملیے جیون جوگیے موتے
میں اذلاں توں تیرا رستہ ویکھ رہیا ساں
چن نوں ویکھن دی تعزیر دے دوجے پاسے
میں تصویر دا ہکو پاسا ویکھ رہیا ساں
تھلیوں پیچ ولاویں اتوں پھن دا شملہ
میں پگڑی تے سپ دا حلیہ ویکھ رہیا ساں
چہرے اُتے خول نصیر چڑھے سن کنے
پہلی وار میں اپنا چہرہ ویکھ رہیا ساں
نصیر بلوچ
No comments:
Post a Comment
Note: only a member of this blog may post a comment.