جدید پنجابی شاعری
نی مائے اسی ٹُر چلے
تیرے دیس چوں کلم کلّے
ساڈے ہتھاں اُتے پانی پا دے
نالے لاہ لے اپنے چھلّے
نی مائے اسی ٹُر چلے
تیرے دیس چوں کلم کلّے
اَج کون اساڈے دکھ ونڈے
کیوں صحراواں دے رُکھ ونڈے
کیڑھا موڈھے لاوے روندیاں نوں
کیڑھا دل دیاں تلیاں ملّے
نی مائے اسی ٹُر چلے
تیرے دیس چوں کلم کلّے
او رب اے کُل جہاناں دا
پاتالاں تے اَسماناں دا
ہک ماڑے جئے دل دی خاطر
کیوں لَوے تختاں توں تلّے
نی مائے اسی ٹُر چلے
تیرے دیس چوں کلم کلّے
اَج مارے آپ پرِیتاں نوں
اَج ڈھاوے آپ مسیتاں نوں
اَج ساڑے دل دے کعبے نوں
اَگ لاوے آپ مصلّے
نی مائے اسی ٹُر چلے
تیرے دیس چوں کلم کلّے
اسیں سُکّے دریاواں دے دل
اسیں ڈُوگھے زخماں دی ساول
اسیں رُل مویاں دیاں قبراں جے
جتھے کوئی نہ ڈِیوا بلّے
نی مائے اسی ٹُر چلے
تیرے دیس چوں کلم کلّے
فرحت عباس شاہ
No comments:
Post a Comment
Note: only a member of this blog may post a comment.