پنجابی نعتیہ کلام
درداں نے پائے گھیرے سرکارؐ نوں کہواں گے
غم ہو گئے ودھیرے سرکارؐ نوں کہواں گے
کدی لنگھدے لنگھدے آقاؐ ول نوکراں دے آؤ
کیتا عطا جو سانوں کدی آ کے ویکھ جاؤ
ساڈے گھر وی پاؤ پھیرے سرکارؐ نوں کہواں گے
روندے نے درداں مارے چلدے نہیں شاہاؐ چارے
کمزور جان میری دُکھاں دے بھار بھارے
کرو دور سب ہنیرے سرکارؐ نوں کہواں گے
کدی آؤ ساڈے ولے یا پھر بلاؤ سانوں
ہجراں دی اگ دے کولوں اقاؐ بچاؤ سانوں
اسیں شام تے سویرے سرکارؐ نوں کہواں گے
اجمل جہے مجرماں دا تیری ذات ہے سہارا
ساڈی لاج رکھ کریماں ساڈی لاج رکھ خدارا
کتھے جان کملے تیرے سرکارؐ نوں کہواں گے
یاسین اجمل چشتی
No comments:
Post a Comment
Note: only a member of this blog may post a comment.