جدید پنجابی شاعری
میرا مرشد میرا رہبر حیدرؑ حیدرؑ
میرا مولا میرا ناصر حیدر حیدر
مینوں نئیں لوڑ کسے ہوری کولے جان دی
میرا پیر تے میرا دلبر حیدر حیدر
قسمے رب سوہنے دی سن کے ناں تیرے نوں
اج وی تھر تھر کنبے خیبر حیدر حیدر
ورد اے سارے عالم دا تاں پے کردے نیں
زیویں چن تارے تے امبر حیدر حیدر
مشکل پہوے تے کہیڑا نعرہ مارنا ایں
میرے بالاں نوں وی ازبر حیدر حیدر
ہجرت دی رات ای چس آئی سون دی
آقاﷺ دا پاکیزہ بستر حیدر حیدر
سوچ کے حر آ مولا دے خیمے اندر
بس حق سچ اے ابن حیدر حیدر حیدر
پاک علی اوہدا ویر اے جس دے کہنے تے
مٹھ وچ کلمہ پڑھدے کنکر حیدر حیدر
ذکر علی مولا دا کرنا عبادت اے، چن
تاں کہندا رہیندا واں اکثر حیدر حیدر
رومی نئیں بس، رومی دیاں نسلاں وی سن
مولا دیاں نوکر چاکر حیدر حیدر
رومی بیگ مرزا گجراتی
No comments:
Post a Comment
Note: only a member of this blog may post a comment.