جدید پنجابی نعتیہ شاعری
یاد وِچ روندیاں نے اکھیاں نمانیاں
سد لو مدینے آقاﷺ کرو مہربانیاں
ساری کائنات دا خزینہ مل گیا اے
اللہ دی سوں جنہاں نُوں مدینہ مل گیا اے
جالیاں دے کول بہہ کے اوہناں موجاں مانیاں
سد لؤ مدینے آقاﷺ کرو مہربانیاں
در دے سوالیاں نُوں خیر جھولی پاؤناں
گندیاں تے مندیاں نُوں سینے نال لاؤناں
ایہو لجپالاں دیاں عادتاں پرانیاں
سد لؤ مدینے آقاﷺ کرو مہربانیاں
سارے جگ نالوں اوہ فضاواں نے نرالیاں
چُماں گا میں کدوں سوہنے روضے دیاں جالیاں
شالا کدی فیر اون رُتاں اوہ سہانیاں
سد لؤ مدینے آقاﷺ کرو مہربانیاں
ساڈا تے ظہوری ایہو دین تے ایمان اے
پیار کملی والےﷺ دا عبادتاں دی جان اے
باقی سبھے گلاں ایویں قِصے تے کہانیاں
سد لؤ مدینے آقاﷺ کرو مہربانیاں
محمد علی ظہوری
No comments:
Post a Comment
Note: only a member of this blog may post a comment.