جدید پنجابی نعتیہ شاعری
جنہاں نوں اے نسبت او تھاواں تے ویکھو
او خوشبواں بھریاں ہواواں تے ویکھو
مدینے دی ہر چیز سوھنی تے سچی
اوہدی نور بھریاں فضاواں تے ویکھو
کبوتر مدینے دے اڈدے نے کیویں
دلاں نوں جو بھاون اداواں تے ویکھو
درِ پاک احمدﷺ تے رو رو کے میں وی
جے ستے نصیبے جگاواں تے ویکھو
میری نسبتاں دا کی پُچھدے او لوگو
سگِ طیبہ جد میں کہاواں تے ویکھو
میرے آقاﷺ مینوں وی سد لو مدینے
ایہہ اشکاں دے موتی ایہہ ہاواں تے ویکھو
محبوب احمد شاہ
No comments:
Post a Comment
Note: only a member of this blog may post a comment.