جدید پنجابی شاعری
میں مریا تے مار کے دھاڑے آ گئے نے
جِنے وی سن بے اتبارے آ گئے نے
مُفلس ماں دا چہرہ ویکھن آلا اے
گلی دے وِچ فیر غُبارے آ گئے نے
میرے نال جو دریا دے وِچ اُترے سن
مینوں ڈُوب کے آپ کنارے آ گئے نے
میں نئیں کلّا، یاد، اُداسی، وحشت، دُکھ
رات پئی تے ویکھو چارے آ گئے نے
میری تاں بس اپنڑے نال لڑائی سی
پتھر چُک کے کاہنوں سارے آ گئے نے
سجاول خان
No comments:
Post a Comment
Note: only a member of this blog may post a comment.