جدید پنجابی شاعری
سجن بیلی سارے راہوں نس گئے نیں
اکلاپے دا سبق نرالا دس گئے نیں
اوڑاں ماری دھرتی سِکدی رہ گئی اے
بدل فیر سمندراں اُتے وس گئے نیں
جنگل بیلے اُجڑی ہُوک سُناندے نیں
پنچھی اندر سارے پھس گئے نیں
متھے توں نہیں وٹ کدے وی لہندے سی
جان توں پہلاں نمہا نمہا ہس گئے نیں
آس دی بیڑی چاڑھ کے خورے کاہدے لئی
تانگھ دے پیچاں نال پروہنے کس گئے نیں
ساجد ہنسیا واں پتھریلیاں راہواں تے
پیراں دی تے خیر اے پتھر گھس گئے نیں
سجاد حسین ساجد بھٹی
No comments:
Post a Comment
Note: only a member of this blog may post a comment.