جدید پنجابی شاعری
دُھپ اچ ویکھے جہنے چھاں دے سُفنے نیں
اوہندی اکھ اچ میرے ناں دے سُفنے نیں
روٹی کھوہنی ماڑے گھر دیاں بالاں توں
اکو جئے سردار تے کاں دے سُفنے نیں
ہُن کوئی سوہنی ناں نئیں لیندی کچے دا
بن تعبیرِ ایس چنھاں دے سُفنے نیں
میری اکھ اچ ہر اک سُفنا اُس دا اے
جِس دی اکھ اچ ہور کنہاں دے سُفنے نیں
اے بستہ ارمان نوں جان توں پیارا اے
اِس بستے وچ میری ماں دے سفنے نیں
ریاض ارمان
No comments:
Post a Comment
Note: only a member of this blog may post a comment.