کلاسیکی پنجابی شاعری
رانجھا رانجھا کردی ہُن میں آپے رانجھا ہوئی
سدو نی مینوں دھیدو رانجھا، ہیر نہ آکھو کوئی
رانجھا میں وچ، میں رانجھے وچ، غیر خیال نہ کوئی
میں نہیں، اوہ آپ ہے، اپنی آپ کرے دلجوئی
جو کجھ ساڈے اندر وسے، ذات اساڈی سوئی
جس دے نال میں نیونھ لگایا اوہو جیسی ہوئی
چٹی چادر لاہ سٹ کُڑیے، پہن فقیراں لوئی
چِٹی چادر داغ لگیسی، لوئی نوں داغ نہ کوئی
تخت ہزارے لے چل بُلھیا، سیالیں ملے نہ ڈھوئی
رانجھا رانجھا کردی ہن میں آپے رانجھا ہوئی
بابا بلھے شاہ
No comments:
Post a Comment
Note: only a member of this blog may post a comment.