جدید پنجابی شاعری
غم کاہدا جے دل ٹُٹن دی، ذرا آواز نہ آئی
خالی بھانڈے شور ودھیرا، جانے کُل خُدائی
جس دے پلے پیسے ہُندے، اُسے دی وڈیائی
اُچے محلیں جاوے پہلاں، سُورج دی رُشنائی
چھیڑو نہ دُکھیاریاں تائیں، کھریاں کہہ نہ دیون
پھردے چُپ دے جندریاں اوہلے، ایہہ طوفان لُکائی
اکھیاں دے وچ گُزرے ویلے، آ گئے ہنجُو بن کے
تُوں کی اکھ چُرائی سجناں، ہو گئی جگ رُسوائی
ستّے وخت نمانے ایسے، کاشر یار نہ جاگے
چڑھدا سُورج تان کے نیزے، دیندا ریا دُہائی
سلیم کاشر
No comments:
Post a Comment
Note: only a member of this blog may post a comment.