جدید پنجابی شاعری
رہندا مسجد مندر وچ
ظاہر ہوندا اندر وچ
کھیچ نہیں کھاندے بندے
گُر ویکھیا اے ڈنگر وچ
کوٸی راز ہو مندا اے
کوٸی ویکھدے وی اندھا اے
کم بد ویکھے تے چپ رہ جا
بندہ رب نہیں بندہ اے
کوٸی ہو ورد پکاوے جے
چڑ کے سُولی سمجھاوے جے
حق دے در دے نوکر ہاں
یار قلم چلوائے جے
سچ دا کلمہ پڑھو سارے
اللہ اللہ کرو سارے
تے رب پیار وی کردا جے
اس دی پکڑ توں ڈرو سارے
خالق ساری دنیا دا
رازق ساری دنیا دا
سب نوں رزق کھوائے او
مالک ساری دنیا دا
ہر دے وچ سب وسدا ایہ
سب دے وچ رب وسدا ایہ
شاہ رگ دے وچ شاہی جے
وسدا میرا وچ ماہی جے
سب دی قدر کرو سارے
ساری اوہدی خداٸی جے
لعل سخی لجپال خدا
دیندا غم جے ٹال خدا
رزق حلال کمائے جو
رہندا اوس دے نال خدا
منزل عشق دی اوکھی وے
ہسدے میرے تے لوکی وے
کُتری نوں لوک وٹے مارن
لوکاں نوں ماہی روکی وے
امیر عثمان
No comments:
Post a Comment
Note: only a member of this blog may post a comment.