جدید پنجابی شاعری
کھل کے ہسنا چاہیے وی تے ہس نہیں سکدے
پیراں دے وچ سنگل بنھ کے نس نہیں سکدے
لگدا اے لوکاں چپ دا روزہ رکھیا اے
دل وچ بھانبڑ بلدے نے پر دس نہیں سکدے
سوچاں ہتھوں زخمی ہوئے کِنی واری
سوچاں دے اس ڈِھلے پیچ نو کس نہیں سکدے
قرضے دے وچ پھسیا اک اک جاتک ساڈا
اس تو ودھ کے ہور خدایا پھس نہیں سکدے
کِنے ورہیاں توں دھرتی ترساندے پئے نیں
کیہ فیدہ بدلاں دا جہڑے وس نہیں سکدے
سہیل صفدر
No comments:
Post a Comment
Note: only a member of this blog may post a comment.