جدید پنجابی شاعری
ایسی مچھری دل دی پِیڑ پرانی رات
دُکھ دے نیناں نال وی بیہہ کے چھانی رات
پلکاں نال وی سورج دا گُھنڈ چُکیا میں
مگروں فیر نہ لَتھی نِگھر جانی رات
شک دے چور پخایا ایناں وِیراں نوں
ونڈ کے سُتے گھڑیاں دا وی پانی رات
دِھیاں بھار سِراں دے مال پرایا کیوں
پُچھدی پُچھدی سوں گئی لاڈو رانی رات
میں تے میرے ورگے میرے کملے نین
پا کے بیہہ گئی پانی وِچ مدھانی رات
دل دا پھٹ کی اکھ دے ویہڑے مہک پیا
میرے پیریں پے گئی رات دی رانی رات
انور ساہنواں سر دے تِیلے بنڑ گئیاں
میں جد اوہنوں بُھل جاون دی ٹھانی رات
مصطفیٰ انور
No comments:
Post a Comment
Note: only a member of this blog may post a comment.