جدید پنجابی شاعری
ماں جی دی نصیحت
دن ڈبن توں پہلاں پڑھ لئیں روز سپارہ کُڑیے
گھر ویہڑے وچ اُگدا ویکھیں چن تے تارہ کُڑیے
جس تھاں جاویں ذکر نبیؐ نوں ساہ توں نیڑے رکھیں
ہو نہیں سکنا ایس دے باجوں کِتے گُزارہ کُڑیے
یاد تُوں کِناں کِیتا رب دے سوہنے پاک نبیؐ نُوں
رب سچے نِت کر لینا ای روز نتارہ کُڑیے
منگ رحمت تے برکت ہی آقاؐ دے در دے اُتوں
کم نہیں آنا اِٹ گارے دا محل منارہ کُڑیے
جا بلیے اے دِین تے دنیا دونویں ای فیر نیں تیرے
دل جے ہووے آقاؐ جی دے عشق دا مارا کُڑیے
ڈردی کی پِھردی ایں جے دنیا اے ڈُونگا دریا
بیڑی دے جد آپ ہی مانجھی، آپ کنارہ کُڑیے
رخشندہ نوید
No comments:
Post a Comment
Note: only a member of this blog may post a comment.