پنجابی ملی نغمہ
جھنڈا پاکستان دا جھنڈا
خوابیں دی تعبیر دا جھنڈا
اے ہے ساڈے سر دا بوچھنڑ
اے ساڈی تقدیر دا جھنڈا
سمی، راول، سسی، پنوں
ایں دھرتی دیاں لوک کہانیاں
اے سوہنڑیں مہینوال دی دھرتی
اے ہے رانجھنڑ ہیر دا جھنڈا
سوہنڑیں بیٹ دامان تے جنگل
سوہنڑیں تھل روہ روہی دریا
ساڈا جھنڈا بختیں والا
جنت دی تصویر دا جھنڈا
جتنے تانڑیں جیسوں اینکوں
اپنڑے سر توں اُچا رکھسوں
ساڈے دین ایمان دا جھنڈا
غیرت شان سریر دا جھنڈا
انشاءاللہ اگلی واری طارق
ڈو ڈو جشن منیسوں
ہک ہتھ پاکستان دا جھنڈا
ڈوجھے ہتھ کشمیر دا جھنڈا
جھنڈا پاکستان دا جھنڈا
خوابیں دی تعبیر دا جھنڈا
اے ہے ساڈے سر دا بوچھنڑ
اے ساڈی تقدیر دا جھنڈا
احمد خان طارق
No comments:
Post a Comment
Note: only a member of this blog may post a comment.