جدید پنجابی نعتیہ کلام
ہو جاندے نیں ہور مدینے
آ جاون جے چور مدینے
اناں دا جُسا اندرو اندری
ہو جاندا اے، پور مدینے
گُنبد کولوں دُور نئیں جانا
شُرطہ لا لے زور مدینے
ولی نیں سب رب سوہنے دے
جِناں سِکھے طور مدینے
بخت مِرے تاں جاگن گے، جے
گُزرن میرے دور مدینے
سارے عمل ہو جانے ضائع
کر نہ ایویں شور مدینے
نُور ہی نُور اے چارے پاسے
کر تُو تھوڑا غور مدینے
خواہش کمینے رومی دی تک
کہندا ہووے گور مدینے
رومی بیگ مرزا گجراتی
No comments:
Post a Comment
Note: only a member of this blog may post a comment.