جدید پنجابی سرائیکی شاعری
چل گئی کوئی چال محبت
تھی گئی اوندے نال محبت
بُکھ دے اگوں کئی شے کینی
دین ہے روٹی، دال، محبت
چار دیہاڑے پھُل دی خُشبو
کنڈیں دا اے جال محبت
اکھیں سامنے تُوں نہیں رہندا
واپس کر ڈے شال محبت
خون دا رنگ وی تھی گے کالا
چِٹے تھی گن وال محبت
نفرت کیا ہے پتہ کینی
میڈی ہے سُر تال محبت
غیریں اگوں شکوے کر تے
کیوں كیتی پامال محبت
رابعہ عمران
No comments:
Post a Comment
Note: only a member of this blog may post a comment.